Cen investigadores das tres universidades galegas participaron no programa Competencias para Mozos Investigadores GRADschool da Fundación Barrié e a Consellería de Educación da Xunta de Galicia, en colaboración coas tres universidades galegas, deseñado para desenvolver as habilidades transferibles de estudantes de doutoramento.

Os GRADschool, creados en Reino Unido en 1968, forman parte da oferta formativa de universidades de referencia británicas como Cambridge, Oxford, Durham ou Essex e son un programa de referencia para a formación e o desenvolvemento dos investigadores noveis en Reino Unido. Estes cursos crean un ámbito de formación inspirador, desafiante e experimental no que os estudantes adquirirán competencias, ferramentas e información, que lles axudarán a completar o seu doutoramento, aproveitar o seu potencial e a tomar decisións sobre o seu futuro profesional.

A Fundación Barrié e a Xunta de Galicia trouxeron esta experiencia por primeira vez a España, con dúas edicións do programa celebradas en Santiago no mes de outubro e na Coruña en novembro.

Os cursos GRADschool permiten desenvolver e reflexionar sobre as competencias transferibles de cada alumno, observar como traballar en equipo e valorar o impacto do seu comportamento nos demais, desenvolver a súa eficacia e competencias comunicativas, e xestionar a próxima etapa da súa carreira. Trátase dun curso interactivo que ten un enfoque experimental ou de "learning by doing" (aprendizaxe práctica). As presentacións e os contidos teóricos son eixes complementarios do programa, xa que o condutor principal da instrución é a participación activa dos investigadores nas sesións formativas e o networking.

Os cursos foron liderados por un equipo de investigadores e consultores británicos da organización VITAE (entidade británica que se dedica dende 1964 a deseñar e impartir cursos competenciais para consellos de investigación con financiamento público), aos que acompañaron titores españois representantes do mundo da empresa e a investigación. En canto á estrutura dos cursos, os participantes divídense en grupos de 6-9 persoas que participan en varios exercicios simulados relacionados con ámbitos laborais e académicos. Cada grupo conta coa asistencia dun titor que lles axuda a facer un balance das experiencias e a establecer vínculos entre o vivido durante o exercicio, a súa investigación ou doutoramento e a súa futura carreira.

Este programa formativo ten unha clara motivación europeísta e internacionalizante. O ámbito da investigación está altamente internacionalizado e para maximizar o valor do seu traballo moitos investigadores necesitan comunicar o desenvolvemento do seu labor en linguas estranxeiras, moi particularmente o inglés. Os cursos GRADschool favorecen así mesmo a mellora da comunicación e as habilidades lingüísticas.

Para máis información visite GRADschools

A Fundación Barrié acollerá do 5 ao 9 de novembro unha reunión do Grupo III do Panel Intergobernamental sobre Cambio Climático (IPCC) na súa sede de Vigo

A Fundación Barrié na súa sede de Vigo acollerá actividades da única reunión que o Grupo III do Panel Intergobernamental sobre Cambio Climático (IPCC) celebrará en Europa para a elaboración do seu próximo informe de avaliación sobre mitigación do cambio climático e que reunirá 300 científicos de todo o mundo.

Etiquetas: Educación e Investigación

Sede A Coruña. 18 y 19 de Octubre. 9'00 h.

Organiza: Aedipe Galicia

Teléfono de contacto: 981 206 358

E-mail de contacto: galicia@aedipe.es