Axenda

GRADschool 2016. Formación para investigadores

O prazo de inscripcións finalizará o 29 de setembro de 2016 ás 10.00 horas.

Os GRADschool son cursos de formación práctica e experimental de catro días de duración deseñados para que os investigadores desenvolvan e mediten sobre as competencias adquiridas como estudantes de doutoramento de segundo ou terceiro ano. Nestes cursos anímase aos investigadores a que reflexionen sobre como trasladar á práctica ditas competencias, e así poder decidir con maior rigor e fundamento os seguintes pasos da súa carreira profesional. Os GRADschool son un programa de referencia na formación e o desenvolvemento de doctorandos desde hai 40 anos e constitúen a base dos modelos de desenvolvemento de programas e recursos empregados por universidades e centros de investigación de primeiro nivel no Reino Unido.

O curso GRADschool impártese en inglés e ten carácter residencial. 

Perfil do participante

Doutorandos das 3 universidades galegas e SERGAS que non participasen en anteriores edicións de GRADschool.
Darase prioridade a aqueles doutorandos que inicien o seu segundo ano de doutoramento en 2016.

Custo:

Gratuíto. Inclúe aloxamento e manutención.

Inscrición

Prazo de inscrición:

O prazo de inscricións finalizará o 29 de setembro de 2016 ás 10.00 horas.

A listaxe final de seleccionados publicarase nesta mesma páxina web, e comunicarase por correo electrónico o 3 de outubro de 2016 a partir das 17.00 horas. Os candidatos seleccionados terán que confirmar a súa asistencia antes do 6 de outubro de 2016 ás 10:00 horas.

ETIQUETADO EN: INVESTIGADORES  ,  FORMACIÓN  ,  GRADSCHOOL